बाँकेमा सेना सडकमा आयो

हुलाकी न्यूज, नेपालगंज, ९ भदौ । बाँकेको मुख्य सहरहरुमा पनि सेना सडकमा आएको छ । बाँकेको नेपालगंज र कोहलपुरमा मंगलबार बिहानैदेखि सेनाले निगरानी गरिरहेको छ । मंगलबार बिहान तीन बजेदेखि नै नेपालगंज र कोहलपुरको मुख्य सडक तथा प्रतिष्ठानहरुमा सेनाको उपस्थिति देखिएको छ ।

नेपाल आयल निगम, दुरसंचार संस्थानका टावर, विद्युत गृहलगायतका महत्वपूर्ण ठाउँमा सेनाले निगरानी राख्ने गरि जिल्ला सुरक्षा समितिको बैठकले निर्णय गरेको बाँकेका प्रमुख जिल्ला अधिकारी बेद प्रसाद अधिकारीले बताएका छन् ।